Ad Matutinum

Ave, Maria, grátia plena; Dóminus tecum: benedícta tu in muliéribus, et benedíctus fructus ventris tui Jesus. Sancta Maria, Mater Dei, ora pro nobis peccatóribus, nunc et in hora mortis nostræ. Amen.

Deus, +  in adjutórium meum intende.

Dómine, ad adjuvándum me festína.

Glória Patri et Fílio et Spirítui Sancto.

Sicut erat in princípio, et nunc, et semper, et in sæcula sæculórum. Amen.

[Hallelujah]

   Mystérium Ecclésiæ

Hymnum Christo reférimus,

Quem génuit Puérpera

Verbum Patris in Fílium.

   Sola in sexu fémina

Elécta es in saéculo,

Et meruísti Dóminum

Sancto portáre in útero.

    Vates antíqui témporis

Prædíxerat quod factum est:

Quia Virgo concíperet,

Et páreret Emmanúel.

    Mystérium hoc magnum est,

Mariæ quod concéssum est,

Ut Deum per quem ómnia

Ex se videret prógredi.

    Deo Patri sit gloria,

Ejusque soli Filio,

Cum Spiritu Paraclito,

In sempitérna sécula. Amen.

Responsorium post hymnum: Congratulamini mihi, omnes qui diligitis Dominum: quia, cum essem parvula, placui Altissimo: ¶ Et de meis visceribus genui Deum et hominem.

V.  Ecce enim ex hoc beatam me dicent omnes generationes; quia ancillam humilem respexit Deus: ¶ Et de meis visceribus genui Deum et hominem.

Antiphona: Laudabilis.

Antiphona: Benedictus es, Domine Deus, patrum nostrorum, et laudabilis * et gloriosus in saecula.

Canticum: Dan. 3

Benedictus es, Domine Deus, patrum nostrorum, * et laudabilis.

Et benedictum nomen gloriae tuae, quod est sanctum * et laudabile.

Benedictus es in templo sancto gloriae tuae * et laudabilis.

Benedictus es super sedem sanctam deitatis tuae * et laudabilis.

Benedictus es super thronum sanctum regni tui, * et laudabilis.

Benedictus es super sceptra divinitatis tuae, * et laudabilis.

Benedictus es qui sedes super Cherubim et Seraphim, * et laudabilis.

Benedictus es qui ambulas super pennas ventorum et super undas maris, * et laudabilis.

Benedicant te omnes Angeli et Sancti tui, * et laudabilem.

Benedicant te caeli, terra, mare et omnia quae in eis sunt, * et laudabilem.

Gloria Patri, et Filio, et Spiritui Sancto, * et laudabili.

Sicut erat in principio, et nunc, et semper, et in saecula saeculorum, amen, * et laudabili.

Antiphona: Laudabilis. Kyrie, eleison. Kyrie, eleison. Kyrie, eleison.

V.  Benedictus es, Deus.

R.  Amen.

Antiphona: Benedictus es, Domine Deus, patrum nostrorum, et laudabilis * et gloriosus in saecula. Kyrie, eleison. Kyrie, eleison. Kyrie, eleison.

V.  Benedictus es, Deus.

R.  Amen.

dicuntur Cantica sequentia

Antiphona: Ave, Maria, gratia plena, Dominus tecum, benedicta tu inter mulieres. Ecce ancilla Domini: fiat mihi secundum verbum tuum.

Canticum Annae 1 Reg. 2

Confirmatum est cor meum in Domino * et exaltatum est cornu meum Deo meo,

Dilatatum est os meum super inimicos meos: * laetata sum in salute tua.

Quoniam non est sanctus quomodo Dominus, et non est justus quomodo Deus noster, * et non est sanctus praeter te.

Nolite gloriari superbe, nolite loqui excelsa, * et non exeat verbum magnum ex ore vestro.

Quoniam Deus scientiae Dominus, * et Deus qui praeparat voluntates suas.

Arcum potentium infirmavit Dominus, * et infirmos praecinxit virtute.

Gloria Patri, et Filio, et Spiritui Sancto, * Sicut erat in principio, et nunc, et semper, et in saecula saeculorum. Amen.

Antiphona: Ave, Maria, gratia plena, Dominus tecum, benedicta tu inter mulieres. Ecce ancilla Domini: fiat mihi secundum verbum tuum. Kyrie, eleison. Kyrie, eleison. Kyrie, eleison.

V.  Benedictus es, Deus.

R.  Amen.

Antiphona: Beatus ille venter, qui te portavit, Christe: et beata ubera, quae te lactaverunt Dominum et Salvatorem mundi, qui pro salute generis humani carnem assumere dignatus es.

Pleni panibus minorati sunt; * et esurienties transierunt terram.

Sterilis peperit septem; * et foetosa in filiis infirmata est.

Dominus mortificat et vivificat; * deducit ad inferos, et reducit.

Dominus pauperes et divites facit; * humiliat, et exaltat.

Suscitat a terra pauperem, * et de stercore erigit inopem.

Et sedere facit eum cum potentibus plebis, * et sedem gloriae possidere facit eum.

Gloria Patri, et Filio, et Spiritui Sancto, * Sicut erat in principio, et nunc, et semper, et in saecula saeculorum. Amen.

Antiphona: Beatus ille venter, qui te portavit, Christe: et beata ubera, quae te lactaverunt Dominum et Salvatorem mundi, qui pro salute generis humani carnem assumere dignatus es. Kyrie, eleison. Kyrie, eleison. Kyrie, eleison.

V.  Benedictus es, Deus.

R.  Amen.

Antiphona: Magnificamus te, Dei Genitrix, quia ex te natus est Christus, salvans omnes, qui te glorificant. Sancta Domina Dei Genitrix, sanctificationes tuas transmitte nobis.

Deus votum oranti, * et benedicens annos justi.

Quia non in virtute sua potens est vir: * Dominus infirmum facit adversarium ejus, Dominus sanctus.

Non glorietur potens in virtute sua, * neque glorietur dives in divitiis suis.

Sed in hoc glorietur, qui gloriatur, scire et intelligere Dominum, * facere judicium et justitiam super terram.

Dominus ascendit in caelos, et tonabit; * et ipse judicabit extrema terrae, quia justus est:

Dans virtutem regibus nostris, * et exaltabit cornu Christi sui.

Gloria Patri, et Filio, et Spiritui Sancto, * Sicut erat in principio, et nunc, et semper, et in saecula saeculorum. Amen.

Antiphona: Magnificamus te, Dei Genitrix, quia ex te natus est Christus, salvans omnes, qui te glorificant. Sancta Domina Dei Genitrix, sanctificationes tuas transmitte nobis. Kyrie, eleison. Kyrie, eleison. Kyrie, eleison.

V.  Benedictus es, Deus.

R.  Amen.

Benedictiones et lectiones, ut infra.

dicuntur Psalmi sequentes

Antiphona: Exaltata est sancta Dei Genitrix super chorus Angelorum ad caelestia regna.

Domine, Dominus noster, * quam admirabile est nomen tuum in universa terra!

Quoniam elevata est magnificentia tua super caelos: * ex ore infantium et lactantentium perfecisti laudem,

Propter inimicos tuos, * ut destruas inimicum et defensorem.

Quoniam videbo caelos, opera digitorum tuorum; * lunam et stellas, quae tu fundasti.

Quid est homo, quod memor es ejus? * aut filius hominis, quoniam visitas eum?

Minorasti eum paulominus ab Angelis, gloria et honore coronasti eum, * et costituisti eum super opera manuum tuarum.

Omnia subjecisti sub pedibus ejus, oves et boves universas, insuper et pecora campi * volucres caeli, et pisces maris, qui perambulant semitas maris.

Domine, Dominus noster, * quam admirabile est nomen tuum in universa terra.

Gloria Patri, et Filio, et Spiritui Sancto, * Sicut erat in principio, et nunc, et semper, et in saecula saeculorum. Amen.

Antiphona: Exaltata est sancta Dei Genitrix super chorus Angelorum ad caelestia regna. Kyrie, eleison. Kyrie, eleison. Kyrie, eleison.

V.  Benedictus es, Deus.

R.  Amen

Antiphona: Super salutem et omnem pulchritudinem electa es a Domino, sancta Dei Genitrix.

Caeli enarrant gloriam Dei; * et opera manuum ejus annunciat firmamentum.

Dies diei eructat verbum; * et nox nocti indicat scientiam.

Non sunt loquelae, neque sermones, * quorum non audiantur voces eorum.

In omnem terram exivit sonus eorum, * et in fines orbis terrae verba eorum.

In sole posuit tabernaculum suum: * et ipse tamquam sponsus procedens de thalamo suo,

Exsultavit ut gigas ad currendam viam: a summo caelo egressio ejus, * et occursus ejus usque ad summum ejus.

Et non est, qui se abscondat a calore ejus: * lex Domini irreprehensibilis, convertens animas.

Testimonium Domini fidele, * sapientiam praestans parvulis.

Justitiae Domini rectae, laetificantes corda; * praeceptum Domini lucidum, illuminans oculos.

Timor Domini sanctus * permanet in saeculum saeculi.

Judicia Dei vera, justificata in semetipsa, desiderabilia super aurum et lapidem pretiosum multum, * et dulciora super mel et favum.

Etenim servus tuus custodit ea; in custodiendo illa retributio multa; * delicta quis intelligit?

Ab occultis meis munda me, Domine; * et ab alienis parce servo tuo.

Si mei non fuerint dominati, tunc immaculatus ero; * et emundabor a delicto maximo.

Et erunt ut complaceant eloquia oris mei; * et meditatio cordis mei in conspectu tuo semper.

Domine, adjutor meus * et redemptor meus.

Gloria Patri, et Filio, et Spiritui Sancto, * Sicut erat in principio, et nunc, et semper, et in saecula saeculorum. Amen.

Antiphona: Super salutem et omnem pulchritudinem electa es a Domino, sancta Dei Genitrix. Kyrie, eleison. Kyrie, eleison. Kyrie, eleison.

V.  Benedictus es, Deus.

R.  Amen

Antiphona: Surge, Aquilo, et veni, Auster: perfla hortum meum, et fluent aromata.

Psalmus 23

Domini est terra et plenitudi ejus, * orbis terrarum et universi qui habitant in eo.

Ipse super maria fundavit eum, * et super flumina praeparavit eum.

Quis ascendit in montem Domini? * aut quis stabit in loco sancto ejus?

Innocens manibus et mundo corde, qui non accepit in vano animam suam, * nec juravit in dolo proximo suo.

Hic accipiet benedictionem a Domino, * et misericordiam a Deo salutari suo.

Haec est generatio quaerentium Dominum, * quaerentium faciem Dei Jacob.

Tollite portas principis vestri; et elevamini, portae aeternales; * et introibit Rex gloriae.

Quis es iste Rex gloriae? Dominus fortis et potens: * Dominus potens in proelio.

Tollite portas principis vestri; et elevamini, portae aeternales; * et introibit Rex gloriae.

Quis es iste Rex gloriae? * Dominus virtutum ipse est Rex gloriae.

Gloria Patri, et Filio, et Spiritui Sancto, * Sicut erat in principio, et nunc, et semper, et in saecula saeculorum. Amen.

Antiphona: Surge, Aquilo, et veni, Auster: perfla hortum meum, et fluent aromata. Kyrie, eleison. Kyrie, eleison. Kyrie, eleison.

V.  Benedictus es, Deus.

R.  Amen

Benedictiones et lectiones, ut infra.

Antiphona: Beata progenies, unde Chriustus natus est; quam gloriosa est Virgo, quae caeli regem genuit!

Eructavit cor meum verbum bonum; * dico ego opera mea Regi.

Lingua mea calamus scribae * velociter scribentis.

Speciosus forma prae filiis hominum; diffusa est gratia in labiis tuis; * propterea benedixit te Deus in aeternum.

Accincegere gladium tuum circa femur tuum, Potentissime; * specie tua et pulchritudine tua intende, prospera et regna.

Propter veritatem et mansuetudinem et justitiam * deducet te mirabiliter dextera tua.

Sagittae tuae acutae, Potentissime, * populi sub te cadent, in corda inimicorum Regis.

Sedes tua, Deus, in saeculum saeculi: * virga recta est virga regni tui.

Dilexisti justitiam, et odisti iniquitatem; * propterea unxit te Deus, Deus tuus, oleo laetitiae prae consortibus tuis.

Myrrha et gutta et casia a vestimentis tuis, * a gradibus eburneis, ex quibus te delectaverunt,

Filiae regum in honore tuo: astitit regina a dextris tuis * in vestitu deaurato, circumamicta varietate.

Audi, filia, et vide, et inclina aurem tuam, * et obliviscere populum tuum et domum patris tui:

Quoniam concupivit rex speciem tuam; * quia ipse est Dominus Deus tuus.

Et adorabunt eum filiae Tyri in muneribus: * vultum tuum deprecabuntur omnes divites plebis.

Omnis gloria filiae regis ab intus; * in fimbriis aureis, circumamicta varietate.

Afferentur regi virgines post eam: proximae ejus afferntur tibi in laetitia et exsultatione: * adducentur in templum regis.

Pro patribus tuis nati sunt tibi filii: * constitues eos principes super omnem terram.

Memores erunt nominis tui, Domine, * in omni generatione et progenie.

Propterea populi confitebuntur tibi in aeternum * et in saeculum saeculi.

Gloria Patri, et Filio, et Spiritui Sancto, * Sicut erat in principio, et nunc, et semper, et in saecula saeculorum. Amen.

Antiphona: Beata progenies, unde Chriustus natus est; quam gloriosa est Virgo, quae caeli regem genuit! Kyrie, eleison. Kyrie, eleison. Kyrie, eleison.

V.  Benedictus es, Deus.

R.  Amen

Antiphona: Hortus conclusus Dei Genitrix: hortus conclusus et fons signatus.

Deus noster refugium et virtus, * adjutor in tribulationibus, quae invenerunt nos nimis.

Propterea non timebimus, dum conturbabitur terra, * et transferentur montes in cor maris.

Sonuerunt et turbatae sunt aquae ejus; * turbati sunt montes a fortitudine ejus.

Fluminis impetus laetificat civitatem Dei: * sanctificavit tabernaculum suum Altissimus.

Deus in medio ejus non commovebitur; * adjuvabit eam Deus a matutino in matutinum.

Conturbatae sunt gentes, et inclinata sunt regna; * dedit vocem suam Altissimus, et mota est terra.

Dominus virtutum nobiscum; * susceptor noster Deus Jacob.

Venite et videte opera Dei, quae posuit prodigia super terram: * auferens bella usque ad fines terrae,

Arcum conteret, et confringet arma, * et scuta comburet igni.

Vacate et videte, quoniam ego sum Deus; * exaltabor inter gentes, et exaltabor in terra.

Dominus virtutum nobiscum; * susceptor noster Deus Jacob.

Gloria Patri, et Filio, et Spiritui Sancto, * Sicut erat in principio, et nunc, et semper, et in saecula saeculorum. Amen.

Antiphona: Hortus conclusus Dei Genitrix: hortus conclusus et fons signatus. Kyrie, eleison. Kyrie, eleison. Kyrie, eleison.

V.  Benedictus es, Deus.

R.  Amen

Antiphona: Revertere, revertere Sunamiti. Revertere, revertere ut intueamur te.

Fundamenta ejus in montibus sanctis: * diligit Dominus portas Sion super omnia tabernacula Jacob.

Gloriosa dicta sunt de te, civitas Dei: * memor ero Rahab et Babylonis scientibus me.

Ecce, alienigenae, et Tyrus, et populus Aethiophum, * hi fuerunt illic.

Mater Sion dicet: Homo et homo factus est in ea; * et ipse fundavit eam Altissimus.

Dominus narrabit scripturas populorum et principum, * horum qui fuerunt in ea.

Sicut laetantibus omnibus nobis * habitatio est in te.

Gloria Patri, et Filio, et Spiritui Sancto, * Sicut erat in principio, et nunc, et semper, et in saecula saeculorum. Amen.

Antiphona: Revertere, revertere Sunamiti. Revertere, revertere ut intueamur te. Kyrie, eleison. Kyrie, eleison. Kyrie, eleison.

V.  Benedictus es, Deus.

R.  Amen

Benedictiones et lectiones, ut infra

Antiphona: Beatam me dicent omnes generationes; quia ancillam humilem respexit Deus.

Psalmus 95

Cantate Domino canticum novum, * cantate Domino, omnis terra.

Cantate Domino, benedicite nomen ejus: * bene annunciate de die in diem salutare ejus.

Annunciate inter gentes gloriam ejus, * in omnibus populis mirabilia ejus:

Quoniam magnus Dominus et laudabilis valde; * terribilis est super omnes deos:

Quoniam omnes dii gentium daemonia; * Deus autem noster caelos fecit.

Confessio et species in conspectu ejus: * sanctitas et magnificentia in sanctificatione ejus.

Afferte Domino, patriae gentium, afferte Domino gloriam et honorem: * afferte Domino gloriam nomini ejus.

Tollite hostias, et introite in atria ejus: * adorate Deominum in atrio sancto ejus.

Commoveatur a facie ejus omnis terra: * dicite in nationibus, quia Dominus regnavit; etenim correxit orbem terrae, qui non commovebitur.

Judicabit populos in aequitate: * laetentur caeli, et exsultet terra,

Moveatur mare et plenitudo ejus; * gaudebunt campi, et omnia quae in eis sunt.

Tunc exsultabunt omnia ligna silvarum ante faciem Domini, quoniam venit: * quoniam venit judicare terram.

Judicabit orbem terrae in aequitate; * et populos in veritate sua.

Gloria Patri, et Filio, et Spiritui Sancto, * Sicut erat in principio, et nunc, et semper, et in saecula saeculorum. Amen

Antiphona: Beatam me dicent omnes generationes; quia ancillam humilem respexit Deus. Kyrie, eleison. Kyrie, eleison. Kyrie, eleison.

V.  Benedictus es, Deus.

R.  Amen

Antiphona: Beata es, Maria, quae credidisti: perficientur in te, quae dicta sunt tibi a Domino.

Psalmus 96

Dominus regnavit, exsultet terra, * laetentur insulae multae.

Nubes et caligo in circuitu ejus: * justitia et judicium correctio sedis ejus.

Ignis in conspectu ejus praecedet, * et inflammabit in circuitu inimicos ejus.

Illuxerunt fulgura ejus orbi terrae: * vidit, et commota est terra.

Montes sicut cera fluxerunt a facie Domini, * a facie Domini omnis terra.

Annunciaverunt caeli justitiam ejus; * et viderunt omnes populi gloriam ejus.

Confundantur omnes qui adorant sculptilia, * qui gloriantur in simulacris suis.

Adorate eum, omnes Angeli ejus: * audivit, et laetata est Sion.

Et exsultaverunt filiae Judae * propter judicia tua, Domine.

Quoniam tu es Dominus altissimus super omnem terram: * nimis exaltatus es super omnes deos.

Qui diligitis Dominum, odite malignitatem: * custodit Dominus animas servorum suorum, et de manu peccatorum liberabit eos.

Lux orta est justo, * et rectis corde laetitia.

Laetamini, justi, in Domino, * et confitemini memoriae sanctitatis ejus.

Gloria Patri, et Filio, et Spiritui Sancto, * Sicut erat in principio, et nunc, et semper, et in saecula saeculorum. Amen

Antiphona: Beata es, Maria, quae credidisti: perficientur in te, quae dicta sunt tibi a Domino. Kyrie, eleison. Kyrie, eleison. Kyrie, eleison.

V.  Benedictus es, Deus.

R.  Amen

Antiphona: Maria Virgo, semper laetare: quae tantam gratiam meruisti a Domino, caeli et terrae Creatorem de tuo utero generare.

Cantate Domino canticum novum; * quia mirabilia fecit Dominus.

Salvavit eum dextera ejus, * et brachium sanctum ejus.

Notum fecit Dominus Salutare suum: * ante conspectum gentium revelavit justitiam suam.

Memor fuit misericordiae suae Jacob * et veritatis suae domui Israel.

Viderunt omnes fines terrae Salutare Dei nostri; jubilate Deo, omnis terra; * cantate, et exsultate, et psallite.

Psallite Domino in cithara * in cithara et in voce psalmi.

In tuba abietum, et voce tubae corneae, * jubilate in conspectu Regis Domini.

Moveatur mare et plenitudo ejus; * orbis terrarum et universi, qui habitant in ea.

Flumina plaudent manibus in idipsum; montes exsultabunt ante faciem Domini, quoniam venit, * quoniam venit judicare terram.

Judicabit orbem terrae in justitia, * et populos in aequitate.

Gloria Patri, et Filio, et Spiritui Sancto, * Sicut erat in principio, et nunc, et semper, et in saecula saeculorum. Amen

Antiphona: Maria Virgo, semper laetare: quae tantam gratiam meruisti a Domino, caeli et terrae Creatorem de tuo utero generare. Kyrie, eleison. Kyrie, eleison. Kyrie, eleison.

V.  Benedictus es, Deus.

R.  Amen

LECTIONES

V.  Jube, Domine, benedicere. Qui natus est de Virgine purget nos ab omni crimine. R.  Amen

Ego quasi vitis fructificavi suavitatem odoris: et flores mei, fructus honoris et honestatis. Ego mater pulchrae dilectionis et timoris et agnitionis et sanctae spei. In me omnis gratia viae et veritatis: in me omnis spes vitae et virtutus. Tu autem Domine, nostri miserere.

R.  Deo gratias.

R.  Beata et venerabilis Virgo, quibus te laudibus praeferam, nescio: ¶ Quem caeli non capiunt, tuis gremiis continetur.

V.  Benedicta tu inter mulieres, et benedictus fructus ventris tui, qui est Christus Dominus: ¶ Quem caeli non capiunt, tuis gremiis continetur.

V. . Jube, Domine, benedicere. Per Virginem concedat nobis Dominus salutem et pacem.

R.  Amen.

Transite ad me, qui concupiscitis me, et a generationibus meis adimplemini. Spiritus enim meus super mel dulcis: et haereditas mea super mel et favum. Memoria mea in generationes saeculorum. Tu autem, Domine, nostri miserere.

R.  Deo Gratias

R.  Sancta Domina, Dei Genitrìx, ¶ Intercede pro nobis. V.  Deprecare pro nobis Filium Dei: ¶ Intercede pro nobis.

V. . Jube, Domine, benedicere. Precibus et meritis beatissimae Virginis Mariae perducate nos ad Dominus ad gaudia vitae aeternae. R.  Amen.

Qui edunt me, adhuc esurient: et qui bibunt me, adhuc sitient. Qui audit me, non confundetur; et qui operantur in me, non peccabunt. Qui elucidant me, vitam aeternam habebunt. Tu autem, Domine, nostri miserere.

R.  Deo Gratias.

Hymnus Te Deum

Hic autem hymnus dicitur Domin. Diebus, et cujusumque Sancti Festis. 

Te Deum laudámus * te Dóminum confitémur.

Te ætérnum Patrem * omnis terra venerátur.

Tibi omnes Angeli * tibi caeli et univérsæ Potestátes.

Tibi Chérubim et Séraphim * incessábili voce proclámant.

Sanctus, * Sanctus, Sanctus, Dóminus Deus Sábaoth.

Pleni sunt cœli et terra * majestátis glóriæ tuæ.

Te gloriósus * Apostolórum chorus.

Te Prophetárum * laudábilis númerus.

Te Mártyrum candidátus * laudat exércitus.

Te per orbem terrárum * sancta confitétur Ecclésia.

Patrem * imménsæ majestátis.

Venerándum tuum verum * et únicum Fílium.

Sanctum * quoque Paraclétum Spíritum.

Tu, Rex * glóriæ, Christe.

Tu Patris * sempitérnus es Fílius.

Tu, ad liberándum susceptúrus hóminem * non horruísti Vírginis úterum.

Tu, devícto mortis acúleo * aperuísti credéntibus regna cœlórum.

Tu ad déxteram Dei sedes * in glória Patris.

Judex * créderis esse ventúrus.

Te ergo quæsumus, tuis fámulis súbveni * quos pretióso sánguine redemísti.

Ætérna fac cum Sanctis tuis * glória numerári.

Salvum fac pópulum tuum, Dómine * et bénedic hæreditáti tuæ.

Et rege eos * et extólle illos usque in ætérnum.

Per síngulos dies * benedícimus te.

Et laudámus nomen tuum in aeternum * et in saeculum saeculi.

Dignáre, Dómine die isto * sine peccáto nos custodíre.

Miserére nostri, Dómine * miserére nostri.

Fiat misericórdia tua, Dómine, super nos * quemádmodum sperávimus in te.

In te, Dómine, sperávi * non confúndar in ætérnum.

Absoluto Matutino, si non dicuntur statim Laudes, ita concludendum erit:

V.  Domine, exaudi orationem meam.

R.  Et clamor meus ad te veniat.

Oratio

Expelle, Domine, tenebras a cordibus nostris: et lucem tuam mentibus nostris infunde. Per Christum Dominum nostrum.

R.  Amen.

V.  Benedicamus Domino.

R.  Deo Gratias.

Laudes, si non separantur a Matutino, inchoatur ab antiphona ad Benedictus; secus a versu Deus in adjutorium.

Deus, +  in adjutórium meum intende.

Dómine, ad adjuvándum me festína.

Glória Patri et Fílio et Spirítui Sancto.

Sicut erat in princípio, et nunc, et semper, et in saecula saeculórum. Amen.

[Hallelujah]

Antiphona: In flore Mater, in partu Virgo: gaude et laetare, Virgo Mater Domini. Hallelujah.

Benedictus Dominus, Deus Irsael: * quia visitavit, et fecit redemptionem plebis suae;

Et erexit nobis cornu salutis, * in domo David pueri sui:

Sicut locutus est per os sanctorum prophetarum suorum, * qui ab aevo sunt;

Dare salutare de inimicis nostris, * et de manu omnium qui odérunt nos;

Ad faciendam misericordiam cum patribus nostris, * et memorare testamenti sancti sui.

Jusjurandum quod juravit ad Abraham, patrem nostrum, daturum se nobis; * ut sine timore, de manu inimicorum nostrorum liberati,

Serviamus illi in sanctitate et justitia coram ipso, * omnibus diebus nostris,

Et tu puer, Propheta Altissimi vocaberis: * praeíbis enim ante faciem Domini parare vias ejus;

Ad dandam scientiam salutis plebi ejus, * in remissionem peccatorum eorum.

Per viscera miscericordiae Dei nostri, * in quibus visitavit nos Oriens ex alto,

Illuminare eos qui in tenebris et umbra mortis sedent, * ad dirigendos pedes nostros in viam pacis.

Gloria Patri, et Filio, et Spiritui Sancto, * Sicut erat in principio, et nunc, et semper, et in saecula saeculorum. Amen.

Antiphona: In flore Mater, in partu Virgo: gaude et laetare, Virgo Mater Domini. Hallelujah. Kyrie, eleison. Kyrie, eleison. Kyrie, eleison.

V.  Domine, exaudi orationem meam.

R.  Et clamor meus ad te veniat.

Oratio Secreta

Oremus

eus, qui tribus Pueris in camino ignius positis quartus adesse dignatus es, cui facillimum est ignium temperare naturas, et extinguere flammarum impetus: eamdem, Domine, ad protegendas et liberandas animas nostras extende virtutem. Per Dominum nostrum Jesum Christum Filium tuum qui tecum vivit et regnat (V.Alta voce) Una cum Sancto Spiritu in saecula saeculorum.

R.  Amen.

V.  Domine, exaudi orationem meam.

R.  Et clamor meus ad te veniat.

Antiphona: Dignus es, Domine, Deus noster, accipere gloriam et honorem.

Benedícite, * omnia opera Domini, Domino.

Benedícite, * caeli Domino.

Benedicite, * Angeli Domini, Domino.

Benedícite, * aquae omnes quae super caelos sunt, Domino.

Benedícite, * omnes virtutes Domini, Domino.

Benedícite, * sol et luna, Domino.

Benedícite, * stellae caeli, Domino.

Benedícite, * omnis imber et ros, Domino.

Benedícite, * omnis spiritus, Domino.

Benedícite, * ignis et aestus Domino.

Benedícite, * noctes et dies, Domino

Benedícite, * lumen et tenebrae, Domino.

Benedícite,* frigus et aestus Domino.

Benedícite, * pruina et nives, Domino.

Benedícite, * fúlgura et nubes, Domino.

Benedícat, * terra, Domino

Benedicite, * montes et colles, Domino.

Benedicite, * omnia nascentia in terra,Domino.

Benedícite, * mária et flumina et fontes, Domino.

Benedícite, * cete et omnia quae moventur in aquis, Domino.

Benedícite, * vólucres caeli, Domino.

Benedícite, * bestiae et omnia jumenta, Domino.

Benedícite, * filii hominum, Domino.

Benedicat, * Israel, Domino.

Benedícite * sacerdotes Domini, Domino.

Benedícite, * servi Domini, Domino.

Benedícite , * spiritus et animae justorum, Domino.

Benedícite, * sancti et humiles corde, Domino.

Benedícite, * Ananía, Azaría et Misael, Domino.

Benedicamus, * Patrem, et Filium, et Sanctum Spiritum.

Hymnum dicamus, * et superexaltemus eum in saecula

Antiphona: Dignus es, Domine, Deus noster, accipere gloriam et honorem. Hallelujah. Kyrie, eleison. Kyrie, eleison. Kyrie, eleison.

V.  Domine, exaudi orationem meam.

R.  Et clamor meus ad te veniat.

Oratio I

eus, qui salutis aeternae, beatae Mariae virginitate foecundae, humano generi praestitisti, tribue, quaesumus: ut ipsam pro nobis intercedere sentiamus, per quem meruimus auctorem vitae suscipere Dominum nostrum Jesum Christum Filium tuum: Qui tecum vivit et regnat.

V.  Domine, exaudi orationem meam.

R.  Et clamor meus ad te veniat..

Antiphona: Laudabilis Virgo, quae meruisti portare in tuo utero Salvatorem mundi.

Psalmi Laudativi

Laudate Dominum de caelis * laudate eum in excelsis.

Laudate eum, omnes Angeli ejus; * laudate eum, omnes Virtutes ejus.

Laudate eum, sol et luna; * laudate eum, omnes stellae et lumen.

Laudate eum, caeli caelorum; * et aquae omnes, quae super caelos sunt, laudent nomen Domini:

Quia ipse dixit et facta sunt; * ipse mandavit, et creata sunt.

Statuit ea in aeternum et in saeculum saeculi: * praeceptum posuit, et non praeteríbit.

Laudate Dominum de terra, * dracones et omnes abyssi;

Ignis, grando, nix, glacies, * spiritus procellae, qui faciunt verbum ejus;

Montes et omnes colles, * ligna fructifera et omnes cedri;

Bestiae et omnia jumenta, * serpentes et vólucres pennatae.

Reges terrae et omnes populi, * principes et omnes judices terrae;

Juvenes et virgines, seniores cum junioribus * laudent nomen Domini:

Quia exaltatum est nomen ejus solius, confessio ejus super caelum et terram: * et exaltabit cornu populi sui.

Hymnus omnibus sanctis ejus, * filiis Israel, populo appropinquanti sibi.

Cantate Domino canticum novum: * laudatio ejus in ecclesia Sanctorum.

Letetur Israel in eo qui fecit ipsum; * et fliiae Sion exsultent super regem suum

Laudent nomen ejus in choro; * in tympano et psalterio psallant ei.

Quia beneplácitum est Domino in populo suo * et exaltabit mansuetos in salutem.

Exsultabunt Sancti in gloria, * laetabuntur in cubilibus suis.

Exaltationes Dei in faucibus eorum; * et gladii bis acuti in manibus eorum:

Ad faciendam vindictam in nationibus , * increpationes et in populis;

Ad alligandos reges eorum in compédibus, * et nobiles eorum in vinculis férreis;

Ut faciant in eis judicium conscriptum: * gloria haec est omnibus sanctis ejus.

Laudate Deum in sanctis ejus; * laudate eum in firmamento virtutis ejus

Laudate eum in potentatibus ejus; * laudate eum secundum multitudinem magnitudinis ejus.

Laudate eum in sono tubae; * laudate eum in psalterio et cíthara.

Laudate eum in tympano et choro; * laudate eum in chordis et organo.

Laudate eum in cymbalis benesonantibus; * laudate eum in cymbalis jubilationis:

omnis spiritus laudet Dominum.

Laudate Dominum omnes gentes, *et collaudate eum, omnes populi;

Quoniam confirmata est super nos misericordia ejus, * et veritas Domini manet in aeternum.

Gloria Patri, et Filio, et Spiritui Sancto, * Sicut erat in principio, et nunc, et semper, et in saecula saeculorum. Amen.

Capitulum

Pulchra facie et pulchrior fide, beata es, Virgo.

Antiphona: Laudabilis Virgo, quae meruisti portare in tuo utero Salvatorem mundi. Hallelujah. Kyrie, eleison. Kyrie, eleison. Kyrie, eleison.

V.  Domine exaudi orationem meam.

R.  Et clamor meus ad te veniat.

Psalmus Directus

Fundamenta ejus in montibus sanctis: * díligit Dominus portas Sion super omnia tabernácula Jacob.

Gloriosa dicta sunt de te, civitas Dei: *

memor ero Rahab et Babylónis scientibus me.

Ecce alienígenae, et Tyrus, et populus Aethíophum, * hi fuérunt illic.

Mater Sion dicet: Homo et homo factus est in ea; * et ipse fundavit eam Altissimus.

Dominus narrabit scripturas populorum et príncipum, * horum qui fuérunt in ea.

Sicut laetantibus omnibus nobis * habitatio est in te.

Gloria Patri, et Filio, et Spiritui Sancto, * Sicut erat in principio, et nunc, et semper, et in saecula saeculorum. Amen.

   Vere gratia plena es,

Et gloriosa pérmanes,

Quia ex te natus est Christus,

Per quem facta sunt omnia.

   Pastores, qui audierant

Cantari Deo gloriam,

Cucurrérunt in Bethlehem

Natum videre Dominum.

   Sic Magi ab ortu solis,

Per sideris incidium,

Portantes typum gentium,

Primi obtulerunt munera.

   Rogemus ergo, populi,

Dei Matrem et Virginem,

Ut ipsa nobis impetret

Pacem et indulgentiam.

   Deo Patri sit gloria,

Ejusque soli Filio,

Cum Spiritu Paraclito

In sempiterna saecula.

Amen.

Kyrie eleison, duodecies.

V.  Domine, exaudi orationem meam.

R.  Et clamor meus ad te veniat.

Psall. Sub tuum misericordiam confugimus Dei genitrix; ut nostram deprecationem ne indúcas in tentationem, sed de periculo libera nos, sola casta et benedicta. Hallelujah.

V.  Gloria Patri, et Filio, et Spiritui Sancto. 

Iter Sub tuum misericordiam confugimus Dei genitrix; ut nostram deprecationem ne indúcas in tentationem, sed de periculo libera nos, sola casta et benedicta. Hallelujah.

Compl. Sit splendor Domini * Dei nostri super nos. Kyrie, eleison. Kyrie, eleison. Kyrie, eleison.

Oratio II

Pórrige nobis, Deus, dexteram tuam: et intercessione beatae Dei Genitricis Mariae auxilium nobis supernae virtutis impende. Per eundem Dominum.

V.  Domine, exaudi orationem meam.

R.  Et clamor meus ad te veniat. Kyrie, eleison. Kyrie, eleison.

V.  Benedicat et exaudiat nos, Deus:

R.  Amen.

V.  Procedamus cum pace:

R.  In nomine Christi.

V.  Benedicamus Domino.

R.  Deo Gratias

Pater noster.....

V.  Et ne nos inducas in tentationem:

R.  Sed libera nos a malo.

V.  Sancta Trinitas nos semper salvet et benedicat:

R.  Amen.

V.  Fidelium animae per Dei misericordiam requiescant in pace.

Amen.

 

Deus, +.  in adjutórium meum intende.

Dómine, ad adjuvándum me festína.

Glória Patri et Fílio et Spirítui Sancto.

Sicut erat in princípio, et nunc, et semper, et in saecula saeculórum. Amen. [Hallelujah]

   Memento, salutis Auctor,

Quod nostri quondam corporis

Ex illibata Virgine

Nascendo formam súmpseris.

   Maria, Mater gratiae,

Mater misericordiae,

Tu nos ab hoste prótege,

Et mortis hora súscipe,

   Gloria tibi, Domine,

Qui natus es de Virgine,

Cum Patre et Almo Spiritu

In sempiterna saecula. Amen.

Psalmus 53